Prins John 1e
John Heitbrink
2005

Ich Prins John d’r 1e

• 34e Prins van de Klotsköp van het Kestieel.
• Baron va de Hoofdstraot, Hövelplein en Amstenraderweg.
• Regent uuver alle moezikanten va de Klotsköp.

Sjpreak de noeë volgende elf reagels oet:

 

ten 11e dat ich uuver twieë weken op ut Jubileumsfieës weer us aa gans Gebrook kan loate zieën dat de Klotsköp biena weer teruuk zint op ut ouwe nivo !
ten 10e dat ichut un gans groeëte ieër ving om toch mer as jubileum Prins gevroagd te weëire e dat vieër saame d’r un gans groeët fieës va gont maake !
ten 9e dat ich zieëker op dee groeëte trom zal houwe as een en ander neet lupt wieë vieër dat geer zouwe wille !
ten 8e dat ut waal biezonger is dat ich al d’r vieëfde prins oet ozze familie bin, ieërjst mieën neven Ger, Willem en Johan bieë os Klotsköp en noeë nog effe mieën broor bie de Bistrojanen en ich dan as vieëfde hieëweer bie de Klotsköp. Wat un biezongere familie zint vieër toch !
ten 7e dat ich de Klotsköp sfeer al joare mitmaak, as D.J. hub ich al hieël veul en vaak kinne preuve aa die gezelligheed die va oet diz
vereniging oetsjtraolt !
ten 6e dat ich veul hobby’s hub, Vussche, motorrieën, darten en dan och nog de drumband Marijke. Mer dit joar is mieën groeëtste hobby dan och ut vuurop goan bie de Klotsköp. Inne hendige jong is noeëts weggegoesjt !
ten 5e dat ich och gans gruutsj bin op ut feit dat vieër d’r oudste Carnavalsvereniging in Gebrook zint, die va ut CCH blieëve vieër hieë toch mer mooi in veur. Och al hoate ze murge al hun Jubileumsreceptie en wille ze os hieëmit de loef aafsteeke. !
ten 4e dat ut aa mich gegeave is om te zurge dat vieër as Klotsköp dit joar zieëker weer mit de optocht mittrekke. Vieër gont weer langzaam
beginne aa os hoofddoel va joare geleije !
ten 3e dat vieër hieë bieë os nuuje lokaal va Riet en Henk ozze rust weer teruuk gevonge hubbe, och de luuj oet deez nuuj buurt zulle vieër aktief goan betrekke in os aktiviteeten !
ten 2e dat ich de wunsj oetsjpreak dat os Jubileum uuver twieë weke een woare happening en reunietreffe va alle oad leden, vrung en bekinde moag weëre. 4 x 11 joar is un gans sjtuk historie in Gebrook en dat alle luuj dieë neet mieë onger os zint en noeë va boave op os neerkieke, hieëmit eveveul plezeer moage beleave aa dit gebeure !
ten 1e dat ich saame mit mieën vrouw Mien en dochters Nancy en Vivian mit hun vrung de wunsj oetsjpreak: vieër zint en blieëve de Klotsköp va ut Kesjtieël dont alles saame mit hart en zieël vinge vrundsjap en sjpass in os hart de meute weërd vasteloavend mit os vrung is ut sjoeënste op deez eard.


GEGEVE IN GEBROOK,
13 November 2004
Prins John d’r 1e
biegestange doer President Louis en d’r Wieze Road