Prins Danny 1e
Danny Servais
2006

Ich Prins Danny d’r 1e

• 35e Prins va de Klotsköp va ut Kesjtieël.
• Heerser va Kouvender tot Mariagewande en va Hommert bis aa d’r Mert
• Hertog va alle vasteloavesgekke, die saame mit mich weer inne sjoeëne Vasteloavend goan belëave

Proklameer de noeë volgende elf reagels :

 

ten 11e Klotsköp en Köppinnekes pak uch noeë bie-ein, want mieëne carnavalswage sjteit al in de ein.
Mit lol, sjpass, veul plezeer en gans veul treuterieë, trekke vieër saame op en zette um dan al gouw in de drieë.
ten 10e Vieër zulle d’r veur zurge dat dizze Vasteloavend waerd ein zieër groet fieës, Mit alle Breuker vrung saame in dit sjoeëne Vasteloaves paradieës.
ten 9e Nog mer net aktief as besjtuurder hubbe ze mich waal good veurbereëid, Mer noeë as Klotsköp prins zin hieë dan waal de rolle un bieëtje omgedreëid.
ten 8e In Gebrook stoan de Klotsköp as oudste veuraan en zin zieëker neet te uuvertreffe, Ut veurig joar gehoate Jubileum hat mich en veule Breuker dit dan och doan beseffe.
ten 7e D’r Klotsköp zonger sjpass en meziek is as Heële zonger Gebrook, de sjoeënste Vasteloaves-tuëne komme toevallig waal oet dizze hook.
ten 6e Aquariums en Darten stoan hoeëg aagesjrieëve in mieën Breuker Hertje, Mer toch begint de sjpass ummer mit ut Kowrenne op os Breuker Mertje.
ten 5e Dan d’r aavang va d’r Vasteloavend mit Kingeroptocht en auch ut sjoeëlcarnaval, Let good op, de Oad Prinse komme noeë toch mer weer ins mit un Oad Prinsebal.
ten 4e Ze zint allang druk aan ut oefene en as nieëmesch zich hiebieë zal drukke, zoeë weerd ut hieë un biezonger fieës dat beslis neet zal mislukke.
ten 3e Nog neet zoeëlang as Klotsköp weet ich dat ut hieë in Louter weer biezonger zal zin. Doarum veur alle Gebreuker zal ich een waardig en echte Klotsköp prins wille zin.
ten 2e Alle vrung in Gebrook en nabuur gemeinte zin graag in os Gebrooker Narresjtad, omhieë mit te vieëre inne gezellige Vasteloavend, zoas allang neet mieë gehad.
ten 1e Of-ste noeë getrouwt bis of vriegezel, ut maekt tog allenue nieëks mieë oeët, As Klotsköp prins zal ich dan och zurge veur veul sjtimmung in de boeët. Saame mit mieëne adjudant, och nog waal familie, loop ich dan waal veurop, en noeë jekerein in polonaise, rustig aa en neet zo snel maar waal in galop.

 

GEGEVE IN GEBROOK,
19 November 2005
Prins Danny d’r 1e
biegestange doeër nuujbakke President Edwin en de ganse Wieëze Road