Prins Werner 1e
Werner Palm
1986

Ich Prins WERNER d’r 1e

• Vieëftiende prins van de Klotsköp va ut Kestieël.
• Baron van Hoofdstroat tot in d’r Sjure.
• Commandeur uuver alle vriegezelle en jong vrouwluuj.

maekt saame mit zieëne Wieëze Road bekint:

 

 

ten 11e dat ich hel aa ut wirke bin om och lid va Kaspora te weëre. Dieë geave beeter kadoos dan dieë va EHC mit recepties.
ten 10e dat ozze Klotsköp tempel mit os nuuj beheerders echtpaar, d’r sjoeënste en sjpassvolste tempel va Gebrook mot weëre.
ten 9e dat dit joar d’r winter neet zoeë sjtreng moag weëre, angersj krieëge vieër weer probleme mit ozze optocht wagenboew.
ten 8e dat mieëne vuurgenger bleë moag zin dat ut veur heum is aafgeloape. He houw dat noeëts volgehoutte mit al dieë vrouwluuj.
ten 7e dat ich mit mieën familie al bieëna mieër leden in de Klotsköp hub as die va Crutz en Koops saame.
ten 6e dat noeë ich hieë prins bin gewoere bieë uch, missjien die va de Bistro noeë och al hunne prins hubbe, Pap va mich. Us kieëke we ut beeter deet.
ten 5e dat de Ouw Prinse dit joar weer net zo’n sjoen “Ouw prinsebal”motte verzurge as veurgoande joaren. Allein Rinus mot beeter lieëre mitzinge.
ten 4e dat och zal zurge dat ozze Gebreuker optocht dit joar weer good mot zieën. Vieër Klotsköp zette in jeker geval os beste beentje veur.
ten 3e dat jekerein, dik of dun, breit of smaal, groeët of kling, rieëk of erm, getrauwt of gelukkig mot zurge dat he op essjele goonsdig, de stum kwieët, de buusj leeg, ut beer binne en zieën kop teruuk hat.
ten 2e dat ich vanaaf murge ut un gans joar mot doeën mit inne angere president. Noeë kan ich mich waal de watjes oet de oeëre hoale.
ten 1e dat ich mieën ouwersj dank, dat ich dit joar de prins va de Klotsköp hub kinne weëre.

GEGEVE IN GEBROOK,
24 November 1985
Prins WERNER d’r 1e
biegestange doer President Frans en d’r Wieze Road