Prins Peter 1e
Peter Prevos
1989

Ich Prins PETER d’r 1e

• Achtieënde prins van de Klotsköp va ut Kestieël.
• Baron va Mariagewande en gans Gebrook-West.
• Graof va alle Klotsköp oet de Rector Nelissenstroat.

maekt saame mit zieëne Wieëze Road bekint :

 

ten 11e dat veurigge week op d’r Klotsköp reunie veul oad leden en vrung weer us heerlik saame kinbaar hubbe gemaekt wat Klotsköp Vasteloavend noeë eigelik is.
ten 10e dat ich mich zelf noeë mer uns oet un deuske hub moage tovere, angersj woeërt ich alleen mer gevroagd um dit veur kinger te komme doeën.
ten 9e dat de Klotsköp aafgeloape zoeëmer op de “Beach Party”wieër us duudelik hubbe bewieëze , dat ze neave Vasteloavend vieëre in eige regio, och in angere organisaties en zieëker saame mit anger instanties, de heng veur un eige Gebrook oet de moeëwe wille sjteeke.
ten 8e dat hieë al gans lang gekalt weëirt uuver oetbreiding va de Road va Elf, mer dit sjieënt nog ummer neet te klappe. Loate vieër dit joar mit alle bekinde en vrung zieëker zurge dat deez Klotsköp dat aazich teruuk krieëge zoeëwieë zich dit gehuurt.
ten 7e dat es we v’r zoeë om os heer kieëke, vieër ut as Vasteloavend klub in gebrook toch nog neet zoeë slecht doeën. Allein al dat negative gekal va angere mot noeë us ophoutte. Ich nuudig hieëbieë alle anger dinkende noeë oet om us om d’r dusj te goan zitte en alles goot oet te kalle.
ten 6e dat vieër in dit korte Vasteloaves joar nog veul heller motte goan wirke as veurgoande joare aa ozze optochtwagens. Hieëbieë vroag ich jeekerein um os mit te wille helpe, um zieëker noeë weer us get echt groeëts te kinne bringe in d’r Breuker optocht.
ten 5e dat ich as sjtudent bouwkunde, net as mieëne Pap zieëker veur ut technisj sjtuk va d’r wagebouw mieën beste beentje veur zal zette, Vieër motte noeë toch weer us loate zieën wat vieër as Klotsköp in os masj hubbe.
ten 4e dat d’r Vasteloavend in ozze Klotsköp tempel, ut gemeinsjapshoes, zieëker mit de nuuj beheerders Frans en Anita zieëker weer us get gans aparts mot weëre. Vieër loate hun es zieën dat vieër net zo good zint as dieë va Kirsjroa mit hun Kloone Treffe.
ten 3e dat ich de oad prins noeë al un goow tip wil geave veur ut kommende Oad Prinsebal. Zurg zieëker dat ut dit joar nog beeter weërt as veurgoande joare, want as ich volgend joar goan mitdoeën, goochel ich uch va d’r buhn aaf.
ten 2e dat ich mit hulp va alle Vasteloaves vrung zieëker zal zurge om net zoeën Vasteloavendgek as mieën Pap te weëre.
ten 1e dat ich mieën familie, in ut biezonger mieëne Pap, dank, dat ich dit joar de nuuje Prins va de Klotsköp hub kinne weëre.

GEGEVE IN GEBROOK,
19 November 1988
Prins PETER d’r 1e
biegestange doer President Ger en d’r Wieze Road