Prins Jos 1e
Jos van Megen
1990

Ich Prins JOS d’r 1e

• Negentiende prins van de Klotsköp va ut Kestieël.
• Groaf van Mariagewande en gans Gebrook-West.
• Regent uuver alle Klotsköp en Köppinnekes.
• Controleur uuver alle vrouwluuj oet de Trimclub.
• Broor van oud Prins Rob 1e oet 1987.

maekt saame mit zieëne Wieëze Road bekint:

ten 11e dat ich hieënoeë stoan, zonger dat mieën ouweluuj hieëget va aaf weete. Dieë zint noeë nog aa ut fieëste op un 25 joarige broelof in Nuth.
ten 10e dat ich noeë mieën mede musketiers d’r opdrach geaf om hun op te hoale in Nuth, om hieëmit os saame wieër te fieëste .
ten 9e dat ich deez club van zoepersj hieë, dit joar us zal verwenne mit wat angersj biezongere gerechte.
ten 8e dat ich neeve ’t zweëie mit mieën scepter, ’t symbool va macht, och waal gans veul mit innen potlepel te zieën zal zin. Ich zal us kieke of ze va teruuk hubbe.
ten 7e dat ich zoeë wieër gein hobby’s hub, allein vrouwluuj natuurlik, mer ja un good kink aard ummer noar d’r pap.
ten 6e dat ich uch wil zegge, dat gieër in deez Vasteloavendtied ginne drank te kort zult komme, ozze beheerders zint net teruuk va vacantie in Portugal en hubbe mich beloaft dat ze hieëveur noeë dubble zoeë hel zulle wirke.
ten 5e dat ich geheurd hub dat de Road va Elf, nuuje uniforme wilt hubbe en dat ze noeë gein geel stof doavuur kinne krieëge.
ten 4e dat vieër dit joar och weer kinger, mer ocg groeëte luuj oet de buurt nuudig hubbe veur ozze wage in de optocht. Jiekerein kint zich opgeve bieë opgeave bie Werner.
ten 3e dat Veurig joar zint 3 broelofte geweest, houwt gieër uch dat neet beter kinne verdele. Mer ja, ich hub geheurd dat d’r missjien kommend joar nog get te vieë vilt, hubbe vieër neet nog twieëi kandidate.
ten 2e dat ich mich volledig zal inzette om mit uch allemoal saeme, hieë in os buurt inne grandiose Vasteloavend 1990 te kinnen vieëre.
ten 1e dat ich mieën ouwersj dank, dat ze nog zoeëlang durggeheld hubbe om mich te krieëge. Zoeë hub ich dan noeë de kans gekrieëge om hieë bie de Klotsköp in 1990 uche Prins te kinne zieën.

GEGEVE IN GEBROOK,
25 November 1989
Prins JOS d’r 1e
Biegestange doer President Ger en d’r Wieze Road